SNØGLE (​​Bubo scandiacus)

​​Snøugla er ein av dei ti ugleartane som hekkar i Norge. Den har vore totalfreda sidan 1965. Den er ei av dei største ugleartanemed eit vingespenn på opp til 1,7 meter, og veg nærare 3 kg. Hoa vert størst. Snøugla er eit rovdyr som kan verta opp til 10 år gamal.

​​

​​SYN OG HØYRSEL

​​Snøugla har svært god høyrsel og kan lokalisera byttedyr som er skjult på bakken berre ved bruk av høyrselen. Augo til snøugla sit fast i kraniet og kan berre bevega seg mindre enn ein grad. Då er det ein fordel at den kan snu hovudet meir enn 270° til begge sider.

​​

​​… PAPPA LÆRTE MEG AT …

​​Snøugla er nesten heilt stille. Den flyg stille og den lagar nesten ikkje lyd. Bortsett frå revirsongen deira, den kan høyrast på 10 km avstand. Fjæra ytst på vinga har ein ujamn ytterkant og oversida ein hårliknande mikrostruktur. Den reduserer støy frå lufta som stryk over vinga når den fyk.

​​

​​TEMPERATUR

​​For å overleva i ekstremt kalde omgjevnader heile året har snøugla eit tjukt dunlag over heile kroppen og på beina. Det er med på å gi snøugla ei god varmeisolering, slik at den kan oppretthalda ein kroppstemperatur på 38–40°C sjølv om lufttemperaturen er nærare -50°C.

​​

​​HABITAT

​​Snøugla lever eit nomadeliv og flyttar seg der det er mat. Den beveger seg over store arktiske strok på jakt etter mat. Den er sjeldan å sjå i Norge då den største bestanden truleg lever i Sibir og Alaska. I Norden er det størst sjanse for å sjå snøugle under gode lemenår.